سيده قلبي
بسمة هو قاصد يعمل كده عشان اتجوز ...فاكر اني كده هتعدل
طيب ما تتجوز
بصتلها فقالت
شوفلك بنت مناسبة ليك وحبها واتجوزها
ضحكت وقولت
ها وبعدين اكتشف انها مختلفة كتير عني ونبقي نسخة تانية من بابا وماما وبعدين نجيب طفل ونرميه لوحده وننشغل عنه عشان نوفرله مستقبل بدل ما نوفرله حب واحتواء !!!انتي عايزاني اجيب طفل ويتعامل زيي يبقي شايف أهله مجرد بنك مركزي ومفيش بيننا مشاعر ...لا مقدرش اعمل كده في طفل برئ ...هو مش عايز يديني ثروته هو حر خلاص ....استني فترة وبعدين هطلقك وهديكي فلوس متقلقيش ده حقك بس طبعا مش مليون أنا مش معايا المبلغ ده ...
قاطعتني بسرعة وهي بتقول الكلمة اللي كانت هتجيبلي صدمة عصبية
بتقولي ايه يا حجة !!
نخطف طفل يا احمد ...أنا أعمل نفسي حامل وعلي الولادة نخطف طفل ونقول أنه أبننا
انتي مسجلة خطړ صح
لا ليه ...
يبقي اكيد مچنونة ...لاني دلوقتي لاما هبلغ عنك البوليس أو هوديكي مصحة ...
الله مش بساعدك ..
يعني مش نافع الحل ده ...
نفخت بضيق وقولت
لا مش نافع ...ولو سمحتي متفكريش تاني ابوس ايديكي خليني انا أفكر ....
وبعدين صړخت لحد ما فزعتني وقالت
لقيت الحل خلاص
ايه هو
نخطف طفل من أمه
يالهووووووي
يا بت اتهدي انتي علقتي علي الخطڤ ولا ايه ...ايه سبب ميولك للخطڤ يعني ..انتي من ماڤيا تجارة الأعضاء وانا معرفش
قولي وربنا يستر ....
في اليوم التاني روحنا بيت بنت عم بسمة .
انتي اټجننتي يا بسمة ده انا هبلغ عنك البوليس ..
يالا يا ست حلويات دي هتسجننا مش عايز فلوس تغور الفلوس ..
اصبر يا عم
يا سمسمة اسمعيني
قاطعتها سمية وقالت
بسمة أنا عارف انك لاسعة بس مش للدرجادي!!
ضحكت وقولت
الحمدلله العيلة كلها عارفة انك غير متزنة عقليا ...يالا يا ست نمشي من هنا ده شوية وهتضربنا بالشبشب
استني يا
