عشق الزين بقلم زيزي محمد
وروحنا لمحامى واكد ان القسيمه صحيحه ميه فى الميه الغريب ان مضيت عليها بايدى وانا معرفش ازاى وامتى معرفش وبيهددنى ان لو مرجعتش عن اللى فى دماغى هايطلبنى فى بيت الطاعه انا مقعدتش قدام مأذون انا معملتش حاجة من دى كلها
احمد يوسف الكلب جابلها ورق وقالها تمضى عليه دة خاص باجراءات الډفن والعزا وهى مضته بحسن نيه اتاريه كان حاطط ورق على ورق وشال الورق اللى فوق وفضل قسيمه الجواز اللى طلعت عليها امضتها ميه فى الميه والاغرب انه جايب مأذون وبيشهد انه كتب كتابهم وهى كانت فرحانه
مراد الالفى وليه هو يعمل كل دة !
احمد لما روحنا اتخانقنا معاه الحقېر بكل برود قالها انا كنت بكرة ابوكى وامك وجدك والسبب الاهم انك نسخه منها وانا مش فوزت بيها يبقا انتى من حقى واشفى غليلى منها فيكى انتى
زين پغضب انا غلطت زمان لما سمعت كلامها ومشيت وراة طبيتها واهو لسه زى ماهو كلب لازم المرادى يتطقع ديله
احمد
بشمهندس زين انا مش قادر احميها انا راجل على قدى ويوسف فلوسه زودته جبروت فوق جبروته
ومفيش ولا حل نافع معاه انا فكرت فيك علشان عمتها ليليان وهى من ريحه عم حسن وانت هتحافظ عليها اكتر منى
انك وصلتهالى روح انت عند مراتك وبناتك لو دة جالك قوله هى عند زين الجارحى عاوزها روح خدها منه
احمد بص لميرا انا سلمتك فى ايد امينه مټخافيش زين باشا دة جدك حسن كان مسميه زين الرجال وكمان مراته عمتك ليليان هاتحبك وهتخاف عليكى خليكى معاهم لغايه ما مشكلتك تتحل ومتمشيش من دماغك
زين قام وراح عندها واخدها فى جبينها
زين بهدوء انتى بنت الغالى
ابوكى كان غالى وامك كانت بنت اعز واحد على قلبى جدك حسن انا لايمكن افرط فيكى ابدا الزمن بيعيد نفسه قدامى يمكن متعرفيش قصه ليليان بس قريبه من حكايتك انا لايمكن اسيبك لبشر انتى عاوزة ليليان تعرف ان بنت عبد الرحمن كانت موجودة ومجبتهاش تشوفها يانهار اسود دى تتقمص منى وانا مبقدرش على قمصتها
فعلا لايمكن يفرط ف اى حاجة تخص ليليان مراته
احمد طيب عن اذنكوا انا
ميرا حاضر
احمد مشى وزين شاف علامات الاستفهام على وشوش ولادة
زين
احم اعرفكوا دى ميرا عبد الرحمن شاكر القاسم ابوها يبقا ابن عم امكو ميرا دول ولادى مراد وادهم واسر والصغير دة عز ودة يبقا مراد الالفى صاحبى
مراد الالفى صاحب ايه انت هاتكبرنى انا ابنك
زين ههههه صح دة ابنى البكرى
اسر بضيق بابا ماما رنت فوق الستين مرة احنا اتأخرنا يالا
زين طيب يالا نتحرك
ميرا فى سرها بابا !!!!! بابا ايه دة هو اللى بابا زين دة مش باين عليه سن ولا انه مخلف التيران دى
زين بضحك هههههههههههه لا والله شكلك نسخه من عمتك
ميرا بإحراج احم هو حضرتك سمعت
زين بهمس اممم سمعت بس حظك انهم مش سمعوكى وانتى بتقولى عليهم تيران
ميرا خليها فى سرك بقا
زين بضحك هههه سرك فى بير كبير
فى جامعه القاهرة وتحديدا فى كليه الهندسه
ليلى هنا استنى بتجرى ليه كدة !
هنا يابنتى يالا محاضرة دكتور أسر ودة دكتور رزل وهايبقفل الباب فى وشنا
ليلى يابنتى ادينى فرصه اقولك انه اعتذر عن المحاضرة واتأجلت لبعد بكرة
هنا بغيظ ومتقوليش يابنتى بدام انا
عماله اتزفت واجرى ربنا يهدة دكتور رخم ورزل ربنا يزلك يا دكتور اسر زى مانت مرمطنا كدة
ريهام خطبيه اسر سمعتها
ريهام انتى ازاى تتكلمى على اسيادك كدة
هنا بصت حواليها انتى بتكلمينى انا لامؤاخذة
ريهام بغيظ اه انتى
هنا انتى لا يا أمورة انت ليا اسم واظن الجامعه كلها عارفه واسياد مين يا عسل
ريهام ميشرفنيش اقول اسمك وبعدين دكتور اسر انا هابلغه انك بتشتميه وهاخليه يسقطك هو ودادى
هنا بصتلها من فوق لتحت ارقعى دماغك انتى ودادى بتاعك ودكتور اسر فى اتخنها حيطه ولا يهمنى
ريهام بغل هاتشوفى
ريهام مشيت مغلوله منها لو قولنا مين اكتر واحدة ريهام پتكرها فى هى هنا
هنا مهاب شرف الدين طالبه فى كليه الهندسه بنوته شرسه ولسانها اطول منها اوزعه بيضه وعيونها عسلى وشعرها قصير بتحب الضحك والهزار وبتكرة النكد قد عينها
ليلى كان لازم لسانك دة يطول يابنتى
هنا ولا يهزنى يا ماما عادى مش فارقه
ليلى اه مانتى ابوكى لواء فى مكافحه المخډرات مسنودة ياعنى
هنا اعوذ بالله من قرك يا شيخه هاروح فى داهيه المهم اسيبك اصل بابا جاى من الشغل بدرى وهو
وحشنى
ليلى طيب كلمتى ليان ولا
لاه
هنا امم كلمتها وقاتلى انها مش هاتكمل محاضرات اخوها جة اخدها هابقا احكيلها على اللى حصل انهاردة
ليلى طيب روحى ياختى لهوبا بتاعك الصراحه ابوكى مزة ويستاهل يتقال عليه هوبا
هنا ياسلام لو أمى سمعتك هاترنك العلقھ التمام
ليلى هى أمك لسه بتغير عليه
هنا يوووووة دى
بتغير من نفسها شخصيا يالا
سلام بقا
فى بيت الجارحى
قاعدة بتتكلم فى التليفون وليليان مراقباها
ليان ههههههه يخربيتك يا هنا هاموت من الضحك
هنا تستاهل عماله تتفشخر بأسر بتاعها دة
ليان هههههه لا متقوليش على دكتور أسر حاجة هو محترم
مش ذنبه انه خطب واحدة مهزقه زيها
هنا بتنهيدة هو انا قولت ولا اقدر اقول ياختى ربنا يهديه ويبعدة عنها
ليان بخبث اه ادعى ياختى ادعى
هنا انا هاسيبك علشان اروح بقا
ليان ماشى ابقى كلمينى بليل
هنا اوك
ليان قفلت والابتسامه لسه على وشها ولاحظت ان امها بتبصلها بضيق
ليان فى ايه يا مامى !
ليليان زعلانه منك
ليان ليه !
ليليان من كدبك على اصحابك فى حد يستعر من والدة واخوة يا ليان بابا لو عرف انك بتستعرى تقولى اسمه كامل هايزعل اوى ابوكى دة فخر لاى حد
ليان انا يا ماما استعر من بابى بابى دة كل حياتى وبعدين انا بقول اسمى بقول ليان زين عز الدين كله الا انا مبقولش اسم الجارحى يا مامى انا عاوزة اصاحب ناس عاديه مش بنات منى علشان خاطر اسمى وبعدين انا لو قولت ان اخت اسر دكاترة هايعملوا حساب والبنات فهمانى يا مامى عاوزة اعيش حياتى عادى مش متراقبه من حد ولا حد بيحبنى علشان خاطر عيلتى
ليليان منها حبيبتى فهمتك خلاص بس ارجوكى بلاش الموضوع دة يوصل لبابا لانه هايزعل جدا
ليان حاضر يا مامى ربنا يخليكى ليا ومتحرمش من وجودك فى حياتى
سمعوا صوت الباب بيتفتح
ليان بابى جة
ليليان طيب يالا روحى وانا عالبس الطرحه واجاى وراكى
ليان خرجت جرى لقت زين فى وشها واخواتها ومراد الالفى جريت على زين
ليان زين ايدة حبيبى يا بابى وحشتنى
زين ايديها اهههههه يا بكاشه منا لسه شايفك الصبح
ليان انت بتوحشنى فى
كل وقت والله
ادهم يارب فقرة العشق الممنوع تخلص بقا
مراد الالفى طول عمرك حقود
ادهم مش عارف ليه يا جدع انت قارش ملحتى ليه
عز ياخى مراد بيحبنا كلنا وبيجى عندك وبيكرهك هل من اسباب يا مراد باشا
مراد الالفى سبحان الله اصل المحبه دى مش بايدينا
ادهم فعلا المحبه برجلينا
زين والله ما هانخلص منكوا انتو الاتنين انتو قاتلين لبعض قتيل
ميرا واقفه وراة مراد الالفى بتتفرج على البيت بعنيها بيت لذيذ جدا هادى وراقى استغربت واحد بغنى زين يسكن فى شقه على النيل بس لما طلعت واتفرجت عليها انبهرت وطلعت احسن من مليون ڤله فاقت على كلام مراد الالفى وادهم بصتلهم كلهم كلهم اتكلموا ماعدا هو مراد الجارحى مسمتعش صوته بس نظارته كفيله تموتها وهى واقفه مكانها مراد الجارحى شبه زين بس عيونه نفس لون عيونها و ادهم شبه زين الجارحى واسر حلو جدا يمكن اكتر واحد وسيم فيهم من بدايه شعره وعيونه شكله طالع لليليان وعز
اللى شبه مراد اخووة الكبير وليان اللى كانت ميكس غريب عيونها العسلى وشعرها الطويل وملامحها الجميله ملاحمها للبراءة
زين ليليان انتى فين
ليليان جت عليهم وميرا بصتلها من وراة مراد الالفى لقتها ست جميله جدا مش باين عليها سن ودرجه الشبه بينهم واضحه لدرجه انها شكت تكون اختها الحب باين على وشها ابتسامتها لزين ابتسامه طالعه من القلب منه وهو اخدها فى ايديها وهمسلها بحاجة فى ودنها وضحكت بكسوف وكأنه مش مكسوف يبين حبه قدام ولادة ولا صاحبه بعدها جة دور كل واحد فى اولادة بس اللى لاحظته انهم ايديها وبس وكل واحد له طريقه فى نطقه لاسمها ميرا فضلت تبصلهم بحب واتمنت يبقا ليها اخوات كتير
كدة وعيله حلوة كدة
ليليان بصت لمراد الالفى كنت هازعل يا مراد لو مجتش
ليليان لاحظت
جسم صغير واقف وراة مراد مستخبى وزين ايديها ووقفها
زين لي لي عاوز اعرفك على حد بس مش هانشوف الاول انتى هاتعرفيها ولا لاه اظهرى يا ميرا
ليليان بصتله باستغراب وبعدها بصت على ميرا شهقت وابتسمت وعيطت كله فى نفس واحد زين خاف عليها من الصدمه
زين بابتسامه عرفتيها
ليليان بصوت مبحوح انتى بنت عبد الرحمن ابن عمى
ميرا ايوة
ليليان طيب مستنيه ايه تعالى فى
ميرا جريت عليها لانها حست انها من ريحه ابوها شبه لدرجه كبيرة وعيطت
ليان همست لعز هو فى ايه
عز دة فى فيلم عربى كبير اوى
ليان ازاى ياعنى احكيلى !
عز هاتسمعى من ابوكى
ليليان بعد عن ميرا وشها بايديها
ليليان ياروحى شبه ابوكى اوى هو فين مجاش شافنى ليه وايمان عامله دورت كتير على ارقامكوا معرفتش اوصل
زين حبيبتى ممكن نطلع نتكلم فى التراس فى هدوء انا وانتى وميرا
ليليان باستغراب فيه حاجة
زين ممكن تسمعى كلامى
زين اخدها واخد ميرا وطلعوا التراس
ليان لا وربنا لتفهمونى فى ايه مين دى دى بنت ماما ايه درجه الشبه دى !
مراد الالفى تعالى ندخل المطبخ
انقنق واحكيلك
ليان والله انت طول عمرك احسن واحد فى الدنيا
مراد اخد ليان وعز راح وراهم وفضل مراد الجارحى وادهم
ادهم مالك يا مراد نظراتك غريبه اوى للبت دى
مراد مفيش بس محتاج افهم فى ايه ومين يوسف دة وليه ابوك بيكرة اوى كدة
ادهم كلنا محتاجين نفهم فى ايه يالظبط
يتبع
روايه عشق
الزين الحلقه الثالثه بقلم زينب محمد حصريه وجديده
ليليان عيطت من اللى هى سمعته يا حبيبتى
