زواج قاصر للكاتبة اية عرفات
ان انا ضربتك طب ما ده حقيقي انا فعلا ضربتك
مريم ممكن ما تدخلش بيني وبين اختي
ادهم اختك لو عملت كده فهي عشان بتحبك هي ما كذبتش في حاجه ودي الحقيقه فعلا اني انا ضربتك ممكن افهم ليه ما مشيتيش مع جدك ليه ما قلتلوش الحقيقه
مريم ما ردتش عليه وشدت ايديها من ايده
ادهم طب ممكن تيجي معايا عشان انا عايزك فوق
ادهم بلاش تتكلمي الكلام ده قدام الموجودين ممكن نطلع نتكلم في اوضتنا
مريم انا ما ليش كلام معاك تاني انا هرجع على بيت الطلبه تاني وهعيش هناك
ادهم انا بقولك يلا نطلع نتكلم في اوضتنا
مريم بصوت عالي وزعيق ابعد عني انا مش عايز اتكلم معاك ارحمني بقى وسيبني في حالي
يوسف اعمل اي حاجه ده ممكن ېقتل اختي
يوسف ما تقلقيش هو مش هيعمل فيها حاجه تاني
ساره ده بني ادم مش في وعيه ما ينفعش نسيبها معه لوحدهم
يوسف هي مش اختك قالتلك ما فيش حد يتدخل بيني وبين جوزي واحنا ما ينفعش نتدخل بينهم وما تخافيش لو سمعنا اي صوت في الاوضه استغاثه من مريم انا بنفسي هكسر الباب وهدخل اجيبها من جوه
..............................
ادهم شال مريم وطلع بيها فوق واول ما فتح باب الغرفه
مريم نزلني نزلني
ادهم نزل مريم
مريم انت عايز ايه مني مش كفايه اللي حصل
ادهم ممكن
تهدي عشان نعرف نتكلم
مريم احنا ما فيش بينا كلام الكلام بينا خلص وياريت تسيبني في حالي بقى
مريم جت عشان تخرج من الاوضه ادهم جري وقفل باب الغرفه وحط المفتاح في جيبه
ادهم انتي مش خارجه من الباب ده غير لما اتكلم معاكي
مريم يا اخي انت ما بتحسش انا مش عايزه اتكلم معاك
ادهم ممكن اعرف انتي ليه مقولتيش لجدك كل حاجه وكذبتي على جدك ليه بدام انتي مش طايقاني كده ليه ما مشيتيش معاه
مريم ما تخافش انا همشي بس مش على بيت جدي انا همشي على بيت الطلبه وهكمل دراستي جوزتي منك من الاول كانت غلط
مريم ما حبتش اعمل مشاكل وازعل جدي من عمي ويبقى بسببي
ادهم وانتي فاكراني هصدق العبط اللي انتي بتقوليه ده
مريم تصدق ولا ما تصدقش حاجه ما تخصنيش بعد اذنك ممكن تجيب المفتاح عشان أخرج
ادهم اعتبريني صدقتك طب وليه رحتي قلتي لاختك وجوزه محدش يدخل بيني وبين جوزي
ادهم سكتي ليه
مريم يا اخي انا مش عايزه اتكلم معاك ممكن تجيب المفتاح بقى يا اما اصوت والم عليك الناس مش مكفيك اللي عملته فيا
ادهم انا اسف سامحيني مريم شدت ايديها من ايده ادهم رجع مساكها تاني
مريم انا مش عايزه اتكلم معاك يا ريت تبعد عني وتسيبني في حالي
ادهم انا بقولك انا اسف
مريم ممكن اعرف يا باشمهندس ادهم انت اسف على ايه بالظبط اسف على انك شتمتني وقليت مني ولا اسف لانك انت شرحت جسمي مصعبتش عليك ولا اسف على ايه بالضبط انت ما هونتش عليا اسيبك جوه في الاوضه لوحدك وانت بتصرخ كلهم بره قالولي سيبيه هيهدى لوحده لكن انا قلبي ما رضيش يسيبك في الحاله زي دي ودخلت لك وانت تعمل فيا كده
ادهم انا ما كنتش حاسس بنفسي ما اعرفش انا عملت كده ازاي اصلا
مريم الغلطه مش غلطتك الغلطه غلطتي انا انا اللي عملت في نفسي كده مش انت
ادهم بتنهيده انتي ما تعرفيش ايه اللي حصل لي ما تعرفيش الا انا مريت فيه ما تعرفيش انا ايه اللي خلاني كده وايه اللي وصلني لكده انا تعبان في حياتي بجد
مريم انا كتير قوي حاولت اتكلم معاك وانت كنت بتصدني واقولك احكيلي انا جنبك وانت كنت بتبعد عني ممكن اعرف عايز مني ايه دلوقتي
ادهم قعد على الارض ومسك ايد مريم وشدها قعدها جنبه على الارض ادهم انا هحكيلك حكايتي ولاول مره في حياتي احكيها بس انا هحكيهالك عشان حاجه واحده بس عشان حاسس انك انتي قريبه مني قوي ومتاكد ان السر اللي هقولهولك ده مش هيطلع لاي حد ايا كان الحد ده
