البارت الرابع والعشرون
وانتي ازاي يا عليا متعرفنيش حاجه زي كدا ..
عليا بحزن انا اسفه يا جدي بس انا كنت هقول لحضرتك حاجه زي دي ازاي ..دي حاجه صعبه جدا علي اي بنت ..
الجد بتفهم عندك حق يا حبيبتي بس انتي كان لازم تعرفينا عشان ناخدلك حقك من الكلاب دول
عليا انا جيت لحضرتك دلوقتي عشان كدا ..هما لازم يتعقبوا علي اللي عملوه فيا ولازم اخد حقي منهم
الجد بتفكير هو زين لو عرف هيقتلهم بس..
عليا بتوتر طب وبعدين .. لمياء زوجة كريم قالتلي ان في خطه هينفذوها النهارده
الجد بتفكير متقلقيش يا حبيبتي ..اطمني وانا هتصرف
حزنت عليا وهي بتبص قدامها بقلق وتوتر ..حاول الجد يخرجها من حالة القلق والتوتر واتكلم بمرح بس سيبك من كل دا وقوليلي بقى .. ازاي بعد فترة جوازكم دي كلها انتي والباشا حفيدي وانتي لسه ..
قاطعته عليا بخجل لا يا جدي تفكيرك مايروحش بعيد ..بصراحه انا الا كنت خاېفه من اكتمال العلاقه بيني وبين زين ..وهو بصراحه مكنش بيضغط عليا وكان صبور معايا للأخر
الجد بابتسامه طب كفايه خوف بقى ..انا عايز حفيد وشكلي كدا ھموت قبل مايجي الدنيا
الجد بابتسامه يا بنتي المۏت مش شړ .. الناس اللي في الدنيا هما بقوا شړ وعيشين بس عشان يأذو غيرهم
هزت عليا راسها بتأكد ..واتكلم الجد بمرح وقالها سيبك انتي من كل دا واطلعي يلا اجهزي .انا عايزك اجمل بنت في الحفلة النهارده
ابتسمت عليا بسعاده ووقفت بحماس وخرجت من مكتب الجد وطلعت علي غرفتها..
طلعت عليا غرفتها بحماس وفتحت باب الغرفه ودخلت لقت علي السرير صندوق كبير ..قعدت علي السرير وفتحت الصندوق بلهفه ولقت فيه فستان جميل جدا ورساله من زين وكاتب فيها لو بتحبيني بجد وعايزه تكملي معايا ألبسي الفستان دا ولو مش عيزاني في حياتك متلبسهوش وانا هفهم حزنت عليا من نفسها ..معقول هو فاكر انها مش عيزاه بجد ..هو ميعرفش انها بتتمنى اللحظه اللي تجمعهم ببعض ويضمها في حضنه وتحس جوه حضنه بالامان الا بتفتقده وهو بعيد عنها
