البارت الثاني والعشرون
دا دخلت سلا الغرفه وعليا كانت مستغربه مين دي وانتظرت عشان تعرف هي مين وبتعمل ايه هنا..
كانت سلا بتتحرك في الغرفه براحتها ومتطمنه ان عليا في عالم تاني .. دخل زين الغرفه بعدها ..هربت عليا بعنيها بسرعه بعيد عنه وحولت تمثل انها لسه مفقتش لانها مكنتش جاهزه للموجهته وسمعت كلامه مع سلا وفهمت انها الدكتورة اللي بتعالجها وسمعت كلامها مع زين واللي واضح جدا انه بيحمل الكثير من الاعجاب.. وحاولت عليا كتير تعرفه انها فاقت لكن مكانش عندها الشجاعه تواجهه
جففت دموعها وهي بتفكر ان دلوقتي آن الاوان للمواجهه بعد ماسمعت كلام والده معاه وانها كدا فعلا موقفه حياته ولازم تخرج من حياته وټنتقم من اللي دمر حياتها..
دخلت جدة زين تطمن عليها زي كل يوم ..غمضت عليا عنيها وهي بتستعد لأول مواجهه ومع اول لمسه من ايد جدة زين لشعرها فتحت عليا عنيها وبصتلها ..اتفاجأت جدت زين وبصتلها بسعاده عليا حبيبتي انتي فوقتي
ضمتها جدة زين بسعاده ودموع الفرحه كانت مغرقه وشها وهي بتشكر ربنا على رجوع عليا للحياه..
دخل زين الغرفه وهو حزين وفجأة اتحول حزنه ل سعاده كبيره ..لما شاف عليا في حضڼ جدته وقرب منهم ب لهفه وهو مش مصدق ونطق اسمها بزهووول
قرب زين من عليا ورفع وجهها بإيده ونطق اسمها بعشق ..بصتله بصمت وهي بتحاول تبعد عنيها عنه لكنه فجأها بتقبيله لشفايفها بلهفه وكأنه بيأكد لقلبه انها رجعتله اخيرا..
بعد وقت بعد عنها وهو بيسند مقدمة راسه فوق مقدمة راسها واتكلم من كل قلبه وحشتيييييني اوي
وبعد عنها وهو بيتأمل عنيها وكمل كلامه كل حاجه فيكي وحشتني ..عنيكي صوتك شقاوتك عنادك كل حاجه فيكي..
وقرب منها قبلها مرة تانيه وبعد عنها واتكلم بسعاده اتكلمي يا عليا ..قولي اي حاجه صوتك وحشني
فتح عينه پصدمه واتحولت سعادته ل حزن كبير وبعد عنها بزهول اانتي قولتي ايه !..
عليا وهي بتحاول تسيطر علي دموعها طلقني
وقف وهو بيبص حواليه ومش فاهم اي حاجه وقرب منها واتكلم بانفعال عليا انتي عارفه انتي بتقولي ايه ..عليا انتي اكيد لسه تعبانه صح
فجأته عليا واتكلمت
