حملت في تؤام

حاجة
شريف 
لا عارف كل حاجة يا اماني بس بأيدي ايه اعمله ومعملتهوش وبعدين انتو ليه مش قادرين تفهموا انه لسه وقته مجاش وكل حاجة بايد ربنا ياجماعة حرام عليكم بقا انا تعبت من كتر النكد اللي معيشيني فيه ده
اماني 
خلاص يبقا تعرف مامتك انها تبطل تلقح عليا بالكلام كل مابتقعد مع حد انا مبقتش استحمل كلامها عشان بعد كده ياشريف هسيبلكم البيت واروح بيت ابويا احسن 

وسبته ودخلت الاوضه وشريف اعد لوحده وبيفتكر اليوم اللي طلعت فيه نتيجة التحاليل
فلاش باك
شريف 
شوف ياعماد التحاليل دي كده 
وفعلا بص عماد في التحاليل وقاله 
ايه التحاليل دي ياشريف
شريف 
ايه رايك
عماد 
رأي ايه التحاليل دي بتقول ان صاحبها لايمكن هيخلف ابدا ده كمان مستحيل
شريف بحزن 
ايوه ياعماد عارف
عماد 
تحاليل مين دي ياشريف
شريف 
بتاعتي ياعماد بتاعتي
عماد 
ايييه معقولة ياشريف
شريف 
وانت مستغرب ليه يا عماد دي ارادة ربنا ونصيبي كده اي هنعترض ولا اي
عماد 
ونعم بالله لا طبعا مش هنعترض بس ياحبيبي انت عارف ان ماما نفسها تشوف عيالك
شريف 
عارف بس هعمل ايه هو انت عندك حل تاني الورق قدامك اهو بيقول اني لايمكن اخلف وانا بقول الحمد لله انا راضي
عماد 
معلش ياشريف ياخويا برضو نخلي عندنا شوية امل
شريف 
ده كلام احنا بنصبر بيه الناس ياعماد مش هنضحك على نفسنا احنا كمان المهم دلوقتي انا مش عايز حد يعرف بالموضوع ده خالص خصوصا ماما
عماد 
اكيد طبعا ياشريف ولا اي حد في الكون هيعرف وان شاء الله نلاقي مخرج
ورجع شريف من تفكيرة وقال 
مش عارف اعمل ايه مش عارف هل ليها حل ولا لا طيب لو محصلش هفضل في نكد وزن من مراتي وامي كده كتير ولا ايه
واتصل على عماد وقالة انه هيروح يزورو في العيادة بتاعتة ودخل عنده العيادة 
اهلا يادكتور شريف ده ايه النور ده ياحبيبي
شريف 
اهلا بيك ياعمده ياعم انا قولت احنا اخوات وعايشين في بيت واحد ومش بنتقابل ولا بنشوف بعض كتير قولت اجيلك هنا بقا اقعد معاك شوية ونتكلم
عماد 
يا حبيب اخوك انت منورني طبعا وبعدين مانت عارف ياشريف المسؤليه اللي عليا والمرضى والحوامل مانت اكيد عندك كل الهم ده انت كمان يادكتور
شريف 
اكيد طبعا عارف يا عماد بس هنعمل ايه بقا شغلانة الدكاترة دي متعبة المهم انا كنت جاي اتكلم معاك شوية في موضوع كده لاني مخڼوق اوي ياعماد ومش لاقي حد اتكلم معاه
عماد 
خير ياشريف قول ياحبيبي انا سمعك
شريف 
امك مش عايزة تسكت عن موضوع الخلفة ياعماد وكل يوم والتاني نكد في البيت من اماني مراتي بسبب برضو كلام ماما ليها في الرايحة والجاية مبقتش عارف اتصرف ازاى لا وكمان عايزة تجوزني وانت عارف اني لا هعرف اخلف لا من اماني ولا من غيرها ايه الحل
عماد سكت شوية كده وقاله 
اسمع ياشريف مراتك هتعمل عمليه الحقن المجهري