رؤية شرعية ايمان شلبي
توافقي علي حاجه زي كده فيكي ايه ناقص عشان تتجوزي واحد كان متجوز وعنده بنت
قعدت علي الكنبه وانا ببص لماما بهدوء
ارجوكي ياماما تفهميني انا....
قاطعتني بعصبيه وهي بتهبد علي الكرسي
افهم ايه
كل حاجه واضحه زي الشمس انتي موافقه تتجوزي واحد ارمل وعنده بنت وانتي حتي متخطبتيش
ليه تعملي كده في نفسك عشان ايه
فيها كل المواصفات اللي اي شاب اعزب يتمناها
اتقدملك عرسان اشكال والوان احسن من البيه ده
اشمعني ده هو اللي وافقتي عليه
رديت بنبره صوت أوشكت علي البكاء
لاني حبيته
ابتسمت بسخريه
حب
حب ايه يام حب
هو انتي تعرفي عنه ايه عشان تقولي حب
ده مجرد دكتورك !
انتي هتشتغليني يابت
ماما لو سمحتي كفايه
انا مش صغيره ومسؤوله عن قراري ده
بصت لبابا اللي كان قاعد ساكت ومراقب نقاشنا
عاجبك اللي بنتك بتعمله ده
اتنهد ورد بهدوء
بنتك مش صغيره ياثريا
سيبيها تختار اللي هي عايزاه
وبعدين بصراحه انا مش شايف عيب في الولد
شخص محترم ومتدين ودكتور في الجامعه
ردت ماما بعصبيه
مختلفناش بس هو مش عايز يتجوز بنتك عشان جمال عيونها
ده عايز يتجوزها عشان تربيله بنته عايز ناني للبنت
وتولع حقوقها هي !!!
رد بابا بعقلانية وهدوء
وهي موافقه بكده وانا مقدرش اغصبها علي حاجه
اظن بنتك كبيره وعاقله وفكرت في قرارها قبل ما تاخده
بصيت لي پغضب وعصبيه
بصيتلها بدموع ودخلت اوضتي وقفلت عليا الباب بالمفتاح
اتنهدت وانا بقف قدام المرايه وببص علي ملامحي بكل الحزن اللي في العالم
مقدرش أنكر أني لما عرفت أن مازن جاي يتقدملي قد ايه طيرت من الفرحه
كنت خلاص حاسه ان ده نهايه صبري
كنت حاسه ان ده الجبر اللي مستنياه من ربنا طول الوقت
الشخص اللي هيشاركني عمري الجاي
لكن للاسف
بكل الاسف اللي في العالم
جاي اقول اني اتهزمت
احلامي طارت في الهواء
هي اه اتحققت لكن بشروط
وكانت شروط تعجيزيه بالنسبالي
وفي الحقيقه انا معرفش وافقت ليه !
لكن كل اللي اعرفه اني مهزومه
بعد مرور أسبوع
بارك الله لكما وبارك عليكما وجمع بينكما في خير
فوقت من شرودي وذكرياتي علي جمله المأذون واللي بتعلن اني بقيت مراته رسميا
مبروك
قلبي اتنفض وحسيت برعشه في جسمي ورديت بصوت مهزوز
الله يبارك فيك
انتي كويسه
ا اه
نمشي
بالسرعه ديه
قرب من ودني وهمس بنبره غريبه
محضرلك مفاجأه
مفاجأه ايه
ضحك ورد بهزار
وتبقي مفاجأه ازاي لو قولتلك
بصيتله وانا بفرك ايدي بتوتر وبلعت ريقي من غير ما انطق بحرف
انتي خاېفه مني
لا طبعا
رديت بتلقائيه ولهفه
ابتسم علي رد فعلي ومسك ايدي وهو بيقرب من اهلي
طب تعالي نسلم علي اهلك
قربت من ماما وانا ببصلها بتوسل
لقيت الدموع متجمعه في عينيها
كانت عيوني بتحكي كل حاجه
خلي بالك من نفسك
حسيت اني لو خرجت هقع مش هلاقي اللي يسندني
اصل الانسان
مهما كبر ومهما بقي مسؤول عن نفسه
مبروك يابنتي الف مبروك
الله يبارك فيك ياحبيبي
حط أيده علي كتف مازن وعيونه بتلمع بالدموع
خلي بالك منها يابني
ابتسم ابتسامه برزت غمازاته وخطفت قلبي لا اخفي عليكم سر!
ملك في عيني ياعمي
طبطب علي كتفه بابتسامه حزينه
ربنا يهنيكم يابني
يارب
قربت مني مامته لكن المره دي مكانتش بتبصلي بقرف
وقفت قدامنا وسكتت لحظه
كانت عايزه تتكلم لكن لسانها مش مطاوعها
مش هتقوليلي مبروك ياست الكل
فركت ايديها بتوتر وهمست والدموع بتلمع في عينيها
م مبروك يابني
بصتلي ودموعها علي خدها
مبروك يابنتي
ابتسمت ورديت بفرحه
الله يبارك في حضرتك
سكتت لحظه وردت بنبره كلها ۏجع
خ خلي بالك من حفيدتي
ابتسمت من بين دموعي
في عيني
ب بنتي كانت بتحبها اوي
بنتك مين
ضحكت وهي بتمسح دموعها
انتي فاكره اني ام مازن
هزيت راسي بتأكيد
قربت منه وهي بتطبطب علي كتفه
هو ابني طبعا وربنا يعلم انا بحبه قد ايه
ب بس انا ام مراته الله يرحمها
رديت بذهول
