عڈاب الحب

مبحوح 
قلوبنا مش بأيدينا 
انتي جميله اوي يا ريم قلبك جميل زيك و...
قاطعته بعصبيه بعد ما فاض بيا الكيل 
كفااايه يا آدم كفاايه ارجوك 
حاضر انا اسف خلاص
بارك الله لكما وبارك عليكما وجمع بينكما في خير
عقبالك
لفيت لمصدر الصوت لقيت شاب وسيم واقف ورايا وبيبصلي بنظرات مش مريحاني نهائيا
بلعت ريقي بتوتر 

ا أنا متجوزه
رد بحزن مصطنع 
ياخساره 
ا احم لو سمحت بعد اذنك ميصحش كده
بصلي بهيام 
يابخته بيكي 
لو سمحت انا.....
قاطعني بسخريه
انا عارف انك مرات آدم
عيوني لمعت بالدموع وانا بهز راسي بنفي
لا ا انا بنت خالته و...
ليه بتعملي كده في نفسك 
بعمل ايه حضرتك بقولك انا بنت خالته 
ليه توافقي علي حاجه زي كده مع أن من حقك ترفضي
اخدت نفس طويل وانا بحاول اسيطر علي اعصابي 
حضرتك شكلك فاهم غلط عن اذنك
كنت همشي بس هو مسك ايدي وهمس في ودني 
جوزك شخص اناني مكانش لازم توافقي يتجوز غيرك
بصيت حوليا پخوف أن حد يشوفنا وخاصه آدم
سحبت ايدي بعصبيه 
لو سمحت ده شئ يخصني حضرتك ملكش دعوه 
بس انتي بتحبيه
سكت لحظه وعيوني بتلمع بالدموع
انا معرفش حضرتك ولا اعرف انت تعرف كل ده ازاي بس اللي عايزه أوضحه لحضرتك أن حتي لو كنت بحبه فهو مش بيحبني وانا اتفرضت عليه واضطر يوافق عشان ميزعلش أهله مكانش مفروض ابدا احرمه من البنت اللي بيحبها ابقي انانيه لو عملت كده
في النهايه هو عمره ما حبني ولا هيحبني وكده كده هنتطلق لكن بعد ما أولد عن اذنك
ريم
اتنهدت ولفيت بهدوء 
نعم
ابتسم بهدوء 
انتي فعلا جميله زي ما آدم قال عنك
بصيتله باستغراب 
انت صاحب آدم 
ايوه
ابتسمت بسخرية 
فعلا مش كل شخص نقول عليه صاحب يبقي بيحبنا 
قصدك ايه
اقصد انك شخص مش سالك
ليه بتقولي كده !
عشان المفروض انت اكتر شخص عارف ان آدم بيحب غيري يبقي متجيش تحاول تقنعني اني اقف في طريق سعادته !
ابتسم ابتسامه باهته 
انتي متعرفيش حاجه 
يعني ايه معرفش حاجه
قرب مني وعيونه بتلمع بالدموع 
ادم ده أحقر بني آدم علي وجه الارض
عيوني احمرت من الڠضب وانا پصرخ في وشه 
احترم نفسك ده جوزي ياحقير
صدقيني جوزك حقېر فعلا شيطان علي هيئه بني ادم
انت اللي شيطان بجد وحقيقي مش فاهمه ازاي آدم مصاحب واحد حقېر زيك و.....
ادم اللي بتدافعي عنه ده اتجوز النهارده اكتر انسانه انا حبيتها وهو عارف
بلعت ريقي ورديت پصدمه 
ا انت بتقول ايه ا اكيد مكانش يعرف انك بتحب زينب
لا كان عارف هو انتي فاكره أنه اتجوز زينب عشان بيحبها!
اومال اتجوزها ليه 
اتجوزها عشان يقهر قلبي عشان هو بيكرهني عمره ما حبني ولا حب وجودي بالرغم اني حبيته واعتبرته اخ لكن هو كان طول الوقت بيغير مني ومن نجاحي ودائما يحاول يحبطني اول ما عرفته اني بحب زينب فورا اتقرب منها لحد ما حبته وجه عزمني علي كتب الكتاب
صدقيني آدم ده أحقر بني آدم وعمره ما حب غير نفسه
كنت مصدومه من اللي بسمعه مكنتش اتوقع ابدا ان آدم يعمل كده
مش مستوعبه ومش قادره اصدق اي كلمه من اللي قالها البني آدم ده
لا لا اكيد آدم مش حقېر 
لا البني آدم ده بېكذب عليا
بس مش يمكن يكون بيقول الحقيقه 
عارفين اي اصعب حاجه انك تكون شايف الحقيقه قدام عينك بس مش قادر تصدقها من كتر حبك للشخص اللي قدامك
يتبع 
عذاب_الحب 
إيمان_شلبي
البارت الثاني بقلمي إيمان شلبي 
طلقني يا آدم
كان بياكل واول ما سمع جملتي وقف اكل وهو بيبصلي پصدمه
انتي قولتي ايه 
زي ما سمعت انا عايزه اتطلق
هو احنا مش اتفقنا نتطلق بعد الولاده ايه اللي غير رأيك دلوقتي
عادي مش فارقه دلوقتي أو بعد الولاده 
ارجوك طلقني وريحني
مسك ايدي وهو بيرفع عينه في عيني بحزن
انتي غيرانه ياريم
سحبت ايدي وانا برد ببرود
لا
رفع حاجبه باستغراب 
معقوله ريم انتي مش بتحبيني !
قومت وقفت وانا بهز راسي بنفي 
لا مبحبكش
هبد علي السفره بغيظ
اومال اتجوزتيني ليه 
ضحكت بسخرية وانا بربع ايدي
وانت اتجوزتني ليه
اتوتر من سؤالي وبص في كل مكان إلا عيوني بتوتر
عشان ترضي اهلك يا آدم 
ريم انا....
انا اتجوزتك عشان كنت بحبك
قام وقف ورد بقلق 
يعني ايه كنتي 
يعني كنت بحبك انما دلوقتي فأنا مش من حقي احبك خلاص
قرب مني ومسك ايدي بتوتر 
لا من حقك انتي لسه مراتي
رفعت