مش قولتلك
انت في الصفحة 1 من 4 صفحات
أحمد مستنيك تحت يلا!
حاضر حاضر نازله اهو
يبنتي حطي أحمر ولا أخضر الواد هيطفش
ضحكت عادي
نزلت وركبت العربية واتحرك
اتأخرت
نفخ رنا هو أنا قولتلك ايه
قولت ايه
يا حبيبتي احنا رايحين مناسبة عند عيلتي ايه اللي أنت عملاه في نفسك ده
بصيت في المراية عامله ايه يا أحمد منا زي الفل اهو وبعدين ده عيد ميلاد
بصتله مش هشرفك يعني
رنا أنت طريقتك هجومية وأنا مبقتش مستحمل
غمضت عيني وخدت نفس طيب أركن على جمب
بطلي هبل الطريق مقطوع!
قولت بنبرة عصبية أحمد أركن لو سمحت
ركن ونزلت ورزعت الباب قبل ما أمشي بعيد عن العربية خالص
فضلت اتمشى في الشوارع وأنا دموعي على خدي لحد ما تعبت وقعدت على الرصيف وأنا بتأمل في السما
عدى وقت مش طويل لحد ما سمعت صوت صړيخ
اتنفضت من مكاني وقومت وقفت بسرعه بصيت حواليا على أثر الصوت لمحت شاب نايم على الأرض وفي د م!!!
كان بعيد عني شوية جريت عليه بسرعه ووطيت لقيته مغمض عينه وفي ډم كتير حواليه جسمي اترعش لحد ما سمعت صوت بيقول كات! والشاب فتح عيونه وبصلي!
قولت وأنا بترعش ه هو هو ف في ا ايه
أنت اللي بتعملي ايه هنا يا أستاذة احنا بنصور!
بصتله پصدمة بتصوروا!
بصيت للشاب يعني أنت مموتش وده مش د د م
ضحك ده ألوان!
ألوان!!! أ أ أنا أسفة أنا أسفة
راحة خمس دقايق يا شباب وبعدين هنكمل
قالها وهو بيبصلي بقرف ومشي!
ماله ده
سمعت صوت ضحكة الشاب أنت بتعملي ايه هنا ده مكان مهجور يعتبر!
ممكن تقولي موقف أركب منه من هنا
موقف!
أيوه
بص حواليه وبصلي لا هو بصي مفيش موقف من هنا ومش هتلاقي ولا في أوبر هيجي المكان ده لو معندكيش مانع ممكن تستني ونوصلك معانا ايه رأيك
ابتسم متقلقيش خليها عليا تعالي معايا
مشيت وراه وكل الناس بتبص عليا خدني قعدني في مكان بعيد عن التصوير نسبيا
استني هنا واحنا هناخد الشوت وهنمشي علطول ماشي
ماشي
مشي وفضلت متابعة الموقف وقفوا فضلوا يتكلموا شوية شوية كتير وبعدين لقيته جاي هو والراجل اللي كان بيبصلي بقرف!
قولت بزهق وأنا باخد شنطتي أهلا وسهلا على فكره أنا قولتله انك مش هترضى توصلني بس هو ق.....
اهدي اهدي أنا مش جاي عشان كده!
بصتله وبصيت للشاب اللي واقف بيضحك وراه
اومال جاي عشان ايه!
ممكن تيجي معانا خمس دقايق
مشيت وراهم ووقفني قدام كاميرات وكان
بيوريني وأنا بجري على الشاب
بصي احنا ك تيم شايفين إن المشهد ده حلو جدا جدا يمكن أحلى ما كان
