البارت الثاني عشر

وبعد وقت بعد عنها بهدوء وبصلها بعشق وهو سعيد جدا وهي كانت بتبص للارض بخجل وبدأ يظهر عليها بوادر الاغماء ولحقها زين قبل ما تقع واغمى عليها جوه حضنه واتفاجئ زين وقلق عليها جدا واخدها علي سرير صغير جوا اليخت وحاول يفوقها بقطرات من الميه وفعلا بدأت تفوق وسألته اول ما فتحت عنيها هو ايه الا حصل
بصلها زين وهو حقيقي مصډوم انها اغمى عليها من مجرد قبله وبصلها وبدأ يضحك بجد ضحك من كل قلبه وهو مش قادر يرد عليها

قعدت عليا وبصتله بدهشه وهو بيضحك وافتكرت الا هو عمله وحطت ايديها بسرعه علي شفايفها وهي بتلمسهم وخدودها احمرت بشده وحاولت تداري كسوفها دا واتكلمت پغضب ايه الا انت عملته دا 
ضحك زين وقالها عملت ايه 
بصتله عليا بغيظ وقالتله والله ! انت عارف كويس انت عملت ايه
اتكلم زين بمرح قصدك يعني عشان جبتك اليخت هنا
ردت عليا بغيظ زين متقولش اي كلام انت عارف كويس انا اقصد ايه
ضحك زين وقالها طب جاهزه تسمعي كلام حقيقي ومن قلبي بجد
بصتله عليا بهدوء من غير ماترد
اتكلم زين بصدق وقالها انا بحبك
اټصدمت عليا وبصتله بدهشه وقالتله دا تبع اللعبه يعني 
بصلها زين پغضب واتكلم بصوت مرتفع غاضب انتي مش لعبه يا عليا افهمي ..يمكن كنتي كدا في الاول لكن دلوقتي لأ ..انا فعلا بحبك صدقيني
غمضت عليا عنيها بحزن وقالتله ماينفعش يا زين
بصلها زين پصدمه وسألها ليه ماينفعش يا عليا !
عليا بهدوء لان انا مش هقبل اني اكون زوجه تانيه او اتجوز واحد متجوز
بصلها زين واتكلم بسخريه يعني انتي رافضه حبي ليكي عشان انا متجوز
ردت عليا بقوة ايوا يا زين انا مستحيل اكون التانيه في حيات اي حد
اتكلم زين بصدق وقالها ولو انا قولتلك ان انتي الأولى والاخيره هترفضي حبي ليكي برضه
اتكلمت عليا بحزن وقالتله ياريت كنت انا الاولى والاخيره في حياتك يا زين
ابتسم بسعاده وقالها بس انتي فعلا الاولى والاخيره يا عليا
بصتله پصدمه وقالتله يعني ايه ..طب ومراتك ! اوعى تكون طلقتها
ابتسم وقالها للأسف انا مقدرش اطلقها
بصتله عليا وانتظرته يكمل كلامه
كمل زين كلامه وقالها انا مقدرش اطلق واحده انا متجوزتهاش اصلا
اټصدمت عليا وقالتله يعني ايه يعني انت كنت عايش معاها من غير جواز
رد زين وهو بيضحك يا حبيبتي ركزي معايا.. انا مفيش في حياتي غيرك اصلا ..وموضوع جوازي دا انا اخترعته ليكي عشان يبقى في سبب اني مقربش منك
اټصدمت عليا وقالتله طب ازاي وانا كنت بسمعك بنفسي وانت بتكلمها في التليفون
ضحك زين وقالها انا كنت ببقى عارف ان انتي سمعاني وعشان كدا كنت بتكلم وكأني بكلم زوجتي حقيقي عشان اقدر اقنعك ان انا فعلا متجوز بس في الحقيقه الا انا كنت بكلمها دي تبقى جدتي